KAREBA SULTENG, PALU- Tatalu tersangka topangangga nangaku debt collector namala nisaka Tim Resmob Tadulako Polresta Palu, ri dala I Gusti Ngurah Rai, eo Sine (4/5/2026).
Kasus hi nompamula dako ripangadu kasus topangangga motoro ri tanggala 2 Maret 2026, tinti sapulu bongina, ri dala Uwe Lambori, Kelurahan Tondo.
Nangepe kareba hai, Tim Resmob Tadulako hau ri bela nukajadia, nokumpulu petevai saksi. Dako ponyolidikan, nikava tatalu sanga tersangka topangangga motoro (inisial RA, BK, ante AV).
Ri eo Sine (4/5/2026) tinti sasio bongi, tatalu tersangka topangangga motoro namala nisaka polisi.
Dako ri pangakura, geira nangaku nangangga motoro ri Kelurahan Tondo. Polisi muni namala noamankan barang bukti sangu motoro merk Vario CRF naputi-vuri. Geira muni nangaku debt collector.
Kasat Reskrim Polresta Palu, AKP Ismail Boby, S.H., M.H., nangulika posaka topangangga motoro hai, karja gasi dako Tim Resmob Tadulako riara menindaklanjuti pangadu todea.
“Todea kana mawaspada ane maria anu mencurigakan,” riara petevai resmina, eo Salasa (5/5/2026).
Pangulina, modus topangangga monyamar najadi debt collector, kana rapajadika porhatian todea. Polisi muni nompaka roso popatroli riara ngata.
“Kami muni dasementara noselidiki kasus ante nangelo jaringanra,” niuli AKP Ismail Boby.
Penyidik muni dahau nangelo randua tersangka riumba sangara nesuamo ri daftar pangelo tona (Daftar Pencarian Orang), ante nompaka dupa berkas ponyilidikan.
Ri tempona hie, tatalu tersangka topangangga motoro nitarunggu ri Mapolresta Palu. Randua roana da niraga polisi.**
