KAREBA SULTENG, JAKARTA- Pasangan Wali Kota Palu, H. Hadianto Rasyid, SE ante Wakil Wali Kota Palu, Imelda Liliana Muhidin, SE., M.AP resmi nilantik najadi kapala nungata hasele Pemilihan Kepala Daerah (Pilkada) 2024.
Haja polantikan nikavia ri istana negara, Jakarta, nipimpin Presiden RI, Prabowo Subianto, eo Kamisi (20/2/2024).
Polantikan hai nikavia norambanga ante noatu kapala nungata natepelisi ri tingkat provinsi bo kabupaten ri Indonesia.
Prosesi polantikan nompamula ri Monumen Nasional (Monas) ante nisambu vai ri istana negara.
Naupu hai, kapala nungata hau notuntumaka retreat ri Akademi Militer Magelang sampe tanggala 28 Februari 2025, ala manggava baku mompaka ndala wawasan kepemimpinan.
Wali Kota Palu, H. Hadianto Rasyid ante Wakil Wali Kota Palu, Imelda Liliana Muhidin nadamba ri haja polantikan. Geira randua nokomitmen mopaka belo ngata.
Geira randua norancana manggavia posintomu perdana pamarenta ngata Palu ri tanggala 3 Maret 2025.
Riumbana posintomu hai majadi momentum partama ka geira randua riara manggavia dempa strategis mombangu ngata ante pelayanan ka todea ri ngata Palu.
Polantikan hi ledo aga majadi karir politik geira randua, tapi muni majadi harapa baru ka todea ri ngata Palu.**
