KAREBA SULTENG, SIGI- Kareba belo ka kita pura sarara ri Sulawesi Tengah, nariamo nibangu Pembangkit Listrik Tenaga Disel (PLTD) rua pulu Megawatt (20 MW) ri Sidera, Kabupaten Sigi.
Anu hai najadi program Berani Menyala mpae 2028, ala nompaka roso listrik ri Sulawesi Tengah.
Gubernur Sulawesi Tengah, Anwar Hafid ri tempona noresmikan PLTD ri Sidera, eo Sabtu (17/10/2026) notevaika program Berani Menyala neumba dako ri komitmen Pemprov Sulteng ala listrik nesua puramo ri soki ngata-ngata Sulteng.
Ri mpae hie, nariamo nidata 33 ngata ri Sulawesi Tengah rasuaraka listrik.
“Target kami, mpae 2028, pura-purana ngata ri Sulawesi Tengah narimo listrik. Anu hai najadi pamula najadi saba naria program Berani Menyala. Madota mpu rara kami ala ngata-ngata ri sokina manggava muni listrik,” panguli i Anwar Hafid.
Niulina muni, program Berani Menyala ledo aga nompatuvu poindo, tapi muni nobuka dala katuvua todea ala mabelo pura.
Niposabakamo hai, i Anwar Hafid nodekeika apresiasi ka pamarenta puse bo PLN riara nompaka roso listrik ri Sulawesi Tengah. Apalagi pombangunan listrik hai ledo nompake doi pamarenta daerah.
Program Berani Menyala ledo aga mosuaraka listrik, tapi muni modekeika meteran listrik bo sambungan listrik ri banua ntona.
Mpae naliu panguli i Anwar Hafid, natolelemo bantuan nosambu listrik ka sanjobu bo sapulu papitu (1.017) rumah tangga. Program hai muni rapapola ri mpae 2027.
Ri tempona muni hai, pihak PLN nangulika program nompaka roso listrik ri Sidera-Palu, najadimo proyek 50 megawatt nibangu ampa tahap.
Ane cluster sangu bo randua kapasitasna 10 megawatt. Ane cluster tatalu bo ampa deana 15 megawatt.
Randua tahap pombangunan nompamulamo ri tanggala 17 September 2026. Ane randua tahap vai nompamula ri bula November 2026.
Haja poresmian hai muni nikakavaka Bupati Sigi, i Mohammad Rizal Intjenae, Direktur Manejemen Pembangkit PT PLN, Rizal Calvary Marimbo, Forkopimda, kapala kantoro, PLN, bo todea.**
