KAREBA SULTENG, PALU- Ri tempona hi, ruatu bo sapulu ovalu njobu todea ri Sulawesi Tengah nomparasaimo program Berani Sehat.
Anu hai nitevai Wakil Gubernur Sulawesi Tengah, i Reny Lamadjido ri tempona nosintomu ante pihak Jaminan Kesehatan Nasional (JKN) Sulteng, ri ruang Polibu kantoro Gubernur Sulteng, eo Senin (21/9/2026).
Panguli i Reny, kolaborasi pamarenta ante BPJS Kesehatan, najadi gunci mompakaluo akses kesehatan.
Aplikasi SeHati pangulina, najadi pombarol riara program Berani Sehat. Anu hai ledo nompaka kaja todea rangata nanggava polayanan kesehatan, mau BPSJ domo naaaktif ato nomasala.
Ante integrasi hai, tona nadua dopa naria kartuna ato BPJS domo naaktif, namalamo nivervikasi ri aplikasi SeHati, kaupuna nagasimo nanggava polayanan kosehatan.
“Aplikasi SeHati hi natesambumo ri BPJS, Dinas Kesehatan, Dukcapil ante Dinas Sosial. Anu hi rapaka roso, ala todea domo malamba ratangani niposabaka urusa adminstrasi,” niuli i Reny Lamadjido.
Nitambaina muni, pombaharuan data najadi gunci mopaka dupa korjasama. Niposabakamo hai, ia nerapi ala pamerenta kabupaten bo kota momporbaharui data ala pamarenta manggisani isema pura todea naparlu nanggava polayanan kosehatan.
Niuli i Reny, sinkronisasi data naparlu ntoto ala domo ria todea ledo manggava polayanan kosehatan. Hai muni gunana moleva data ganda, ato data domo nasiyayu.
Pamarenta Sulawesi Tengah mpu-mpu natarusu riara modekei jaminan kosehatan ka todea. Ri mpae hi, pamarenta nompakasadia doi Rp 121 miliar pembiayaan kepersetaan BPJS kesehatan. Ledo aga hai, pamarenta muni nobantu biaya todea napakasi dopa nitanggung pamarenta kabupaten bo kota.
Sampae naliu, pamarenta muni nobolanjakamo doi Rp 68 miliar nobantu todea ala, manggava jaminan kosehatan.
“Pamarenta provinsi nakava ala nopakatantu todea manggava pura polayanan kosehata. Kita mokarja ka todea ri Sulawesi Tengah,” panguli i Reny Lamadjido.**
