KAREBA SULTENG, PALU- Naliumpu ranga rara ntona, ngana mombine dako niote nisuaraka riara tas bo nitadiaka ri libo Tempat Pembuangan Akhir (TPA) Kawatuna, Kecamatan Mantikulore, Kota Palu, ri eo Jumaa (18/9/2026).
Ngana dako niote hai, nikava pomulung ri tempona nobongkara sampah, tinti santanga ovalu bongina.
Ri tempona hai, saksi Afin (17) nompevile sampah dako nitauraka oto lomoro rua pulu bo alima. Oto hai nanggeni sampah dako ri Kelurahan Pengawu. Pas nobuka tas, ia natekaja nanggita ngana dako niote (mombine) domo ria nyawana. Naupu hai, ia nangaduka anu hai ka pongawas TPA Kawatuna.
Kapolsek Mantukulore, Iptu Andi Rampewali nangulika nari saksi ntanina Dirman (56) pongawas oto sampah nangepe pongare i Afin. Naupu hai Dirman hau nanggita ngana dako niote riara tas.
“Ri tempona nanggita isi nutas, nikitana naria ngana dako niote,” Panguli i Kapolsek, oe Sabtu (19/9/2026).
Arlin (40) sopir ri libo TPA Kawatuna notalipo Bhabinkamtibmas Kelurahan Kawatuna ri tempona naupu nangepe kareba hai.
Kira-kira tinti ovalu bongina, Kapolsek Mantikulore ante personil piket SPKT bo piket fungsi nakava ri TKP.
Tinti ovalu naliu, potugas hau nanggeni tomate ngana dako niote ri RS Bhayangkara Palu ala raparesa. Polisi muni noselidiki sema tona notedeaka ngana dako niote hai.**
