KAREBA SULTENG, BUOL- Ngata Palu nanggava juara umum Pekan Olahraga Pelajar Daerah (POPDA) XXIV mpae 2026 ri Kabupaten Buol
Ri POPDA 2026, Ngata Palu nanggava aono medali. Randua bulava, tatalu perak, bo sangu perunggu.
Randua modali bulava dako cabang olahraga bala basket langgai, ante bala basket mombine. Tatalu modali perak dako cabang olahraga maimbala, takraw, bo bala voli mombine. Modali perak dako cabang olahraga bala voil langgai.
Piala bergilir POPDA 2026, nitarima Asisten Bidang Pemerintahan dan Kesra Sekretariat Daerah Kota Palu, H. Usman, S.H., ante Kepala Dinas Pemuda dan Olahraga Kota Palu, Bachtiar, S.STP, eo Jumaa ri doyata Kantoro Bupati Buol.
Riara petevaina, Asisten nerapi ala nuapa nikava eo hie, nemo sampe mombali. Tapi kana rapakabelo vai ri kauluna.
“Yaku merapi nuapa nikavata ri tempona hie, nemo menonto sampe ri silihi. Kana rapakabelo nju prestasi. Anu hi ledo aga ka ngana-nagana ri Palu, tapi muni ngana ri Sulawesi Tengah,” panguli i Usman.
Ia muni nagulika songgo mpoasi ka Pamarenta Kabupaten Buol najadi tuan rumah. Niulina muni piala bergilir hi, rakeni panjili vai ri Ngata Palu.
“Songgo mpoasi bapak wakele bupati. Piala hi rakeni kami vai ri Ngata Palu,” niuli Usman.**
Ri tempona muni hai, Wakele Bupat Buol, Dr. H. Moh. Nasir Dj. Daimaroto, S.H., M.H., nompakeni atlet mojagai prestasi.
“Kutevaika ka ngana-nganaku pura, nemo menonto molati, kana mabia mangipi. Kavia prestasi ka Sulawesi Tengah,” petevaina.**
