KAREBA SULTENG, PALU- Randua terduga topangangga tenda kerucut ri dala PDAM, Kelurahan Duyu, Ngata Palu nisaka polisi Polsek Palu Selatan, eo Jumaa bongi (21/8/2026).
Terduga topangangga noininsial IS (40) nokarja najadi pomulung, ante SA (28) buruh bangunan. Nonturo ri kos dala Sungai Manonda, Lorong Nosarara.
Ri tempona nisaka, terduga IS nabaka ri lenje, ri bengo balengga, bo ri koya mpale ngggana.
Kapolsek Palu Selatan, AKP Muhamad Kasim nangulika terduga IS hau nangala tenda kerucut ri banua ntona, tinti santanga aono nggovia. Niposabaka tenda nikenina nantamo, kaupuna tenda hai aga nitabuniakana riara gumbu.
Ri tinti santanga papitu, IS nakava vai nesavi motoro ante teduga SA hau mangala tenda. Tapi dopa nakapo nalai, geira randua nisaka todea.
“Dopa nidekeika ka polisi, terduga pelaku IS danakapopa niboba todea,” pamguli AKP Kasim riara petevaina, eo Sabtu (22/8/2026).
IS nikeni tantara (Babinsa Kelurahan Donggala Kodi) ri Polsek Palu Barat. SA da naboli ri libo kajadia, bo ledo niboba ntona.
Tinti santanga ovalu naliu sakide, anggota Polsek Palu Selatan hau nangala SA ante IS ri Polsek Palu Barat, bo nikenimo ri Mapolsek Palu Selatan ante hasele panganggara.
Polisi muni nerapi ala tupu nutenda hau manggavia laporan resmi.**
