KAREBA SULTENG, PALU- Tona ri Talise narimba, naria nikava tomate ri bivi ntasi, eo Araba (17/6/2026).
Kapolsek Mantikulore, Iptu Andi Rampewali nangulika kajadia nompamula ri tempona sala saito warga, i Faulus (56) nosaka bau nompake puka ri bivi ntasi Talise, tinti sapulu randua eona. Ri tinti ampa naliu nggoviana, naria randua ngana nongare naria tomate nipeintara ri bibi ntasi.
Nangepe hai, i Faulus hau netotoaka ngana randua nongare. Nipeintana naria tomate domo naria kadana randua-ndua. Kareba hai niepe tona noliu ri libo bivi ntasi, tapi ledo ria saito topo liu nanggisani sanga tomate.
Ri tempona muni hai, naria tona nosangaka Angri (40) hau noantara paket noliu ri libu kajadia. Nanggita tona naroa, ia nesai bo nanggita naria tomate. Naaupu hai, ia hau nangadu ri Polsek Mantikulore.
Nangepe naria tomate nikava ri bivi ntasi, anggota Polsek Mantikulore hau ri libu kajadia. Geira nombungu tomate.
Polisi muni nompasiromu informasi sema sanga tomate bo nuapa saba kamatena.**
