KAREBA SULTENG, PALU- Satu papitu bo aono topesavi kapudara China Southern Airlines dako Guangzhou nakava ri Bandara Internasional Mutiara SIS Al-Jufri Palu, eo Salasa (11/8/2026).
Kakava nu kapudara, nitomunaka Wakil Gubernur Sulawesi Tengah, i Reny Lamadjido, General Manager China Southern Airlines, Wang Hongxiong, Kapala Bandara Internasional Mutiara SIS Al-Jufri, Prasetiyohadi, S.T., S.H., M.H., Forum Koordinasi Pimpinan Daerah (Forkopimda), ante kapala kantoro.
Panguli i Reny Lamadjido, pombukaan rute Internasional hai, najadi cara ala mompakabelo ekonomi ri Sulteng.
“Dako ri mpae 2025, Gubernur nousahakamo ala Bandara Internasional hi namala nevoro hau ri Tiongkok. Alhamdulillah, eo hi China Southtern Airlines nobuka rute Guangzhou-Palu,” petevaina.
Niulina, rute pevoro hai ledo aga nompaka mosu dala, tapi muni nobuka luo perdagangangan, investasi, pariwisata, bo hubungan ekonomi ante Tiongkok.
Ri tempona nggaulu, topesavi kapudara metaa vai ruru ri Jakarta, tapi ri tempanamo hie, namalamo nevoro dako ri Palu hau ri Tiongkok.
“Nggaulu, ane hau ri Guangzhou mesai ruru ri Jakarta, bo naturu hamai. Eo hi, kita namalamo mevoro dako ri Palu,’ niuli i Reny Lamadjido.**
