KAREBA SULTENG, PALU- Kareba belo kakita pura. Nariamo nibuka POM pobalu lana belo ri dala Jati, Kelurahan Nunu, Ngata Palu.
Ri POM hai, kita namala nangali lana belo mau aga nanggeni doi ruanjobu bo alima njobu rupia. Carana kita manggeni pomboli mboto, damo raduduaka lana eva tona noisi bensi ri Pertamina ato ri Pertamini.
I Wali Kota Palu, Hadianto Rasyid ri tempona noresmikan POM pobalu lana belo, ri dala Jati, eo Juma’a (26/6/2026) notevaika songgo poasi ka PT Parama Artha Buwana (POM POMINDO).
Pangulina, POM lana belo hai nompaka nga balanja todea. Mau aga manggeni doi ruanjobo, namalamo nanggava lana.
Ia muni nerapi ala lana belo nipobalu kana mahalah, mabelo, bo magasa.
“Songgo poasi ka Pomindo. Nambaso harapa ala kualitas lana mabelo nju,” panguli i wali kota.
Nitevaikana muni, cara eva POM POMINDO nobalu lana belo, mamala muni ratuntumaka perusahaan ntanina. Ala mopaka belo ekonomi ri Ngata Palu.
“Ri tempona peresmian hi, yaku merapi doa ala malancara usaha POM POMINDO, pobali lana belo hi mompaka nga balanja todea,” niuli i wali kota.”.**
