KAREBA SULTENG, PALU- Kareba belo ka kita pura, ri temponami hie nibukamo sikola maimbala i Witan Sulaeman (Witan Sulaeman Academy) ri Ngata Palu.
Witan Sulaeman Academy niresmikan Gubernur Sulawesi Tengah, H. Anwar Hafid. Haja hai muni nikakavaka Wakil Wali Kota Palu, Imelda Liliana Muhidin, Ketua KONI Sulteng, Mohammad Fathur Razaq, ante torata ntanina.
Gubernur Anwar Hafid riara petevaina nangulika Witan Sulaiman Academy ledo aga najadi urusa pamarenta, tapi muni kana rapeili todea riara ngata.
“Witan Sulaeman nompakitamo ka kita pura, manggava prestasi hai ledo eva nosumboli pale, tapi mpu-mpu matarusu manggavana. Ri akademi hi, ia nodekeika kasampata ka ngana ri Sulawesi Tengah ala mangipi mbaso bo ralati majadi mabelo,” panguli i gubernur ri tempona nobuka Witan Sulaeman Academy, ri Witan Arena, dala Asam, Kecamatan Palu Barat, eo Sabtu (20/6/2026).
Pamarenta muni kana neduku program mompaka belo ngana ala maseha, madispilin, berprestasi.
Ri tempona muni hai, manejemen Witan Sulaeman Academy nepetevaika totua najadi kunci ala ngana nabelo nilati nomaimbala. Anu hai muni najadi sala sangu faktor ala ngana maheba molati.
Manejemen muni nompakeni todea ante pamarenta ala morambanga mosi kenisi pale ante Witan Sulaeman Academy, riara mompakabelo prestasi maimbala ri Bumi Tadulako.**
