KAREBA SULTENG, PALU- Motoro tersangka topangangga tabung gas elpiji 3 kg nitunju tona ri dala L Gadi, Kelurahan Mamboro, Ngata Palu, eo Salasa tangaeo (12/6/2026).
Kapolresta Palu, Kombes Pol Hari Rosena melalui Kapolsek Tawaili, Iptu Zulham Abdillah netevaika kasus pangangngga hai nakajadia ri tinti sapulu labi ri banua i Rony Tohari (60).
“Topangangga deana randua ito. Saito hau nesua ri avu ntona nangala ampa tabung gas elpiji tatalu kilo,” pangulina.
Niulina vai, ana tupu nubanua nanggita tersangka topangangga hai. Ia nosoting topangangga nompake HP. Naupu hai ia notalipo tomana ala manjili ri banua.
Nakava ri banua, tomana (Rony) nanggita saito tersangka topangangga nesavimo ri bavo motoro ante nosaviraka ampa tabung gas. Sementara saito roana dariara banua nangala tabung ntanina.
Nanggita hai, Rony nongarempapu bo nobaula tersangka topangangga ante vatu. Randua tersangka topangangga kaupuna hau nangova ri gumbu-gumbu ri sinjori gudang dala L Gadi, Kelurahan Mamboro.
Niposabakamo hai, geira (tersangka topangangga) domo nakapo nangala motorora. Kaupuna motoro Yamaha SE88 nakodara DN 6639 MR notunju todea.
Kira-kira tinti sapulu randua labi, polisi piket SPKT ante polisi Sektor Tawaili nakava ri bela nukajadia nangala motoro naboa ala majadi barang bukti.
“Kami danangelo ante nosolidiki sanga topangangga hai,” petevai i Kapolsek.**
