KAREBA SULTENG, PALU- Niposabaka nasaromo nakajadia posibaga geng motoro ri ara ngata, Polresta Palu nopatroli vai ri eo bongina.
Haja patroli nikaviai ri tinti 00.00 WITA bongina. Nibalenggai Kasat Samapta Polresta Palu AKP FADLI, S.H., didampingi oleh KBO Sat Samapta Polresta Palu, IPDA Gurun Ismail serta Kanit Dalmas Sat Samapta, IPDA Welni Salenda.
Tim Jaguar Polresta Palu hau nopatroli ri dala-dala anu ni curigai najadi posibaga nu geng motor. Eva ri dala Beo, dala Sungai Lariang, dala Lalove, dala Moh Yamin, ante ri libu kantoro Wali Kota Palu.
Ritempona nopatroli ri dala kantoro Wali Kota Palu, eo Jumaa bongina (14/2/2024), Tim Jaguar Polresta nosinggava ante sapulu ampa anggota geng motor nosangaka Briged 21. Nicurigai geira hai hau manggavia gado ante geng motor Area Lorong Texas 22.
Ri pale geng Motoro hai, nikava barang bukti sangu busur pana ante randua mata nubusur.
Sapulu ampa anggota geng motoro kaupuna nikeni hau ri kantoro Polresta Palu, apa rapekutana bo mojalani proses hukum.
“Kami kana mopatroli nju ri ara ngata Palu. Utamana ri dala nasaro nakajadia anu neganggu todea. Ane maria rakita anu mencurigakan, kana raulikamo ka polisi,” panguli Kasat Samapta Polresta Palu.
Petevaina, haja patroli ala mojagai kaamana bo ketertiban todea ri ara ngata. Natanina muni hai ala metagi posibaga geng motor
Patroli nikavia sampe tinti 04.30 WITA, nalancara. Polresta Palu nerapi ala todea kana mawaspada, ante mobantu polisi mojagai ngata.**(Sumber: Humas Polresta Palu)
