PALU- Niposabaka domo naama, Gade Lentora Palu Plaza ri mpae 2024, domo nidekei nikavia vai.
“Niposabaka nariamo hasele posintomu ante Forkopimda, haja Gade Lentora Palu Plaza ri bula mpuasa, dopa nidekei rakavia. Nariamo nipataka dopi pengumumana,” panguli Kapala Dinas Perindustrian dan Perdagangan Ngata Palu, Zulkifli ka wartawan ri banua dinas Wali Kota Palu, Senin (18/3/2024).
Anu hai muni dako ri hasele pangantoaka. Riumba ri tempona Gade Lentora Palu Plaza, nasaro nagado. Niposabakamo hai, Kapolresta Palu nanguli ala domo ruru rakavia haja hai mpae hie.
Tapi kageira nasaemo nogade, kana nidekeika nogade ri libo Palu Plaza ri mpae 2024.
“Ledo ria nitagi geira nasaemo nogade ri Palu Plaza, kamaimo mogade ri sili. Anu hie nitevaika kageira topobalo musiman,” petevaina.
Nitambaina muni, RI tempona bongi nggabuka, topo balu agar nidekeika tempo sampe tinti randua bongina.
“Sangganipa kami nitevaika ka topo gade rI Palu Plaza, nemo masesa raramiu. Anu hi aga nitevaika kageira aga nobalu ri bula nggabuka (musiman),” perapi i Zulkifli.
Pangulina muni, ane maria dota manggavia gade Lentora ntanina ri libo kecamatan, mamala merapi izin ante camat.**(FN)