KAREBA SULTENG, PALU- Saito mombine nikava nolanto ri bivi tasi dala Cumi-Cumi, Kelurahan Lere, Ngata Palu, eo Kamisi padondo (6/8/2026).
Kajadia nopamula tinti ovalu ri tempona Polisi Bripka Ervan noliu, nipeintana tona naroa ri dala Cumi-Cumi. Tano naria tomate nibungu ante spanduk.
Ri libo nu kajadia, naria topanggeni oto trek nangaku nanggita randua mba kapuna eva nekiki anu nelanto ri tasi. Nanggita hai, ia hau nanau ri tasi, tano nikiki kapuna hai tomate.
Nanggita hai, topanggeni oto trek nolivu randua kapuna ante vatu, bo nangulika tona ala mangadu ka polisi. Tomate nikava nolanto hai domo nopake baju, pade nesuvumo isi ntaina.
Kapolsek Palu Barat, Iptu Irfan Muzakar ante anggotana nakava ri libu kajadia tinti sasio. Ri tempona muni hai geira nojagai libu kajadia, ante notalipo Unit Inafis Polreta Palu.
Tinti santanga sapulu nakavamo tim Dokes Polda Sultang ante tim Inafis Polresta Palu. Naupu naggavia olah tempat kejadian perkara, geira nanggeni tomate ri rumah sakit Bhayangkara Palu.
Ri tempona kareba hi nianggataka, dopa nisani sema sanga bo ponturo tomate, vesiamuni nuapa sabana ia namate.**
