KAREBA SULTENG, PALU- Torsangka topangangga ri parkiran lapanga Vatulemo (AD) nisaka polisi ri dala Sungai Manonda Palu, ri tanggala 19 Mei 2026.
Kasat Reskrim Polresta Palu, AKP Ismail Boy riara petevaina eo sine (25/5/2026) nangulika ri tempona naupu nangepe kareba topangangga, geira hau ri bela kajadia ante nompasiromu informasi.
Ri eo Sabtu (23/5/2026) kira-kira tinti ovalu bongi (20.00 wita) tim nanggava kareba AD naria ri Duyu. Tinti santanga sapulu randua (23.30 wita), AD namala nisaka
Ri tempona niparesa, AD nangaku nangangga ante cara nounggeraka sadel motoro ni parkir. niisita barang bukti sangu motoro Honda Scoopy, ampa HP, kartu ATM, SIM, ante barang ntanina.
Torsangka AD muni residivis kasus nangangga ri Polres Pare-Pare, Provinsi Sulawesi Selatan. Ledo aga hai, barang bukti bulava antam 5 gram niduga hasele nangangga, nipobalunamo ri gade Inpres.
AD ante hasele pangangggana nidekeimo ka Unit Reskrim Polsek Mantikulore ala ra proses.**
