KAREBA SULTENG JAKARTA- Riara posintomu (RDP) Komisi II DPR RI ri Jakarta, eo Salasa (29/4/2025) Gubernur Sulawesi Tengah, Anwar Hafid nanguli cadangan Nikel ri Kabupaten Morowali, aga mantaha sapulu mpaena.
Sementara, kebijakan tax holiday ante tax allowance nidekeika ka perusahaan industri smelter, saena 25 mpae. Gubernur navulesa ane Nikel maupu raala pura, ngata ledo manggava saro.
“Riavi nipaksakumo, tapi naeka yaku ra lapor vai ri pusat. Nitevaikuka ane komiu ledo madota manggavia perwakilan ri Sulawesi Tengah, koi palai hau. Tapi geira pura aga nanguli mau yaku marau, ledo ria masalana. Kita ledo nosintomu muni. Ledo ria haja nosintomu ante gubernur,” panguli i gubernur nompaike.
Gubernur muni nosinggu NPWP pengusaha deana terdaftar ri Jakarta. “Geira hai mpu-mpu nangala saro hamai. Kami nanggava ndasana. Ledo nanggava saro,” nerapi mpu ala Komisi II DPR RI madota memperjuangkan Sulawesi Tengah.
Ledo aga hai, Gubernur muni nounggeraka masala Dana Bagi Hasil (DBH) pertambangan. Pangulina, mau Sulawesi Tengah najadi sala sangu penyumbang mbaso panggava negara dako ri sektor tambang, panguli Presiden menyumbang Rp 570 triliun, tapi Provinsi Sulawesi Tengah nanggava DBH aga Rp 200 miliar sampae.
Ia nangaku kondisi ngata nagero niposabaka pertambangan. Tapi ledo ria nanggava saro dea ka daerah.
“Sulawesi Tengah hi sala saito provinsi penyumbang defisit mbaso muni ri Indonesia. Presiden nanguli naria Rp 570 triliun pajak dako smelter ri Sulawesi Tengah. Tapi coba komiu bayangkan, kami nanggava DBH aga Rp 200 miliar. Sementara nadea tambang. Tapi ngata kami negoromo,” panguli i Gubernur nabilisi ri ngayo Komisi II DPR RI.
Naupu hai, gubernur muni netevaika penerapan pajak aga ri nganga tambang, ledo ri nganga industri. Eva ri ngata-ngata ntanina nompakemo sistim izin usaha pertambangan pemurnian.
Panguli gubernur, ane pajak nidekeika prodak Nikel najadimo stainless steel, Provinsi Sulawesi Tengah muni namala muni bersaing ante PAD Provinsi DKI Jakarta ante Jawa Barat.
Haja posintomu ante Komisi II DPR RI nuili Anwar Hafid, najadi haja belo riara metevaika vulesa nurara. Pangulina, mau ia nipelisi todea najadi gubernur, tapi natepou ante kewenangan pusat, bo sistim regulasi ledo nodekei saro ka ngata.
“Komisi randua hi vamba kami. Temponamo ra dui-dui vai,” perapi i Anwar Hafid.
Haja posintomu nihadiri Wakil Menteri Dalam Negeri (Wamendsgri) Ribka Haluk ante Ketua Komisi II Rifqinizamy Karsayuda.**
