KAREBA SULTENG, PALU – Fraksi Partai Kebangkitan Bangsa (PKB) DPRD Kota Palu nerapi ka Pamarenta Ngata Palu, ala motuntumaka dala Pamarenta Provinsi, nanggavia Satgas Konflik Agraria, riara nompakabelo urusa posisala tana riara ngata.
Petevai hai niulika anggota DPRD Ngata Palu, H. Nanang riara posintomu pembahasan pengajuan dokumen rancangan awal (Ranwal) Rencana Pembangunan Jangka Menengah Daerah (RPJMD) Kota Palu Tahun 2025–2029 dopa nasae, di Ruang sidang utama DPRD Kota Palu.
Niuli i Nanang, nonjobu hektar tana Hak Guna Bangunan (HGB) nikuasai pengusaha riara Ngata Palu, eva ri Kecamatan Mantikulore, ledo nimanfaatkan pakabelo.
“Nisanita pura, tana-tana riara Ngata Palu, eva ri libo Kecamatan Mantikulore, HGB na ledo naaktif,” pangulina.
Ia nompatoraka riara pasal 35 ante pasal 40 Undang-Undang lomoro 5 Tahun 1960, Peraturan Dasar Pokok-Pokok Agraria (UUPA), HGB nidekeika ala mombangu ante memiliki bangunan ri bavo nu tana ledo anuna mboto, nidekeika jangka waktu 30 tahun.
Tapi nadea tana HGB, ledo nimanfaatkan pakabelo. Aga najadi posisala tupu nu HGB ante todea.
Panguli i Ketua DPC PKB Kota Palu, Pamarenta Ngata Palu sangu suara ante Pamarenta Provinsi manggavia Satuan Tugas (Satgas) Konflik Agraria, ala mamala nompakaupu urusa tana riara ngata.
“Naria nipakandate tapi ledo memenuhi syarat. Niposabakmo hai, Pamarenta Ngata Palu kana sangu dalamo ante Pamarenta Provinsi, mourusi gado nutana riara ngata,” notutui jaritana.**
