PALU- Nasaemo nitinggoraka, ri tempona hie Ngata Palu, Provinsi Sulawesi Tengah, namalamo nanggava Adipura.
Riumbana Adipura batuana penghargaan ka ngata riara nompaka gali, ante nabelo riara nopasinjojo libo ngata ri Indonesia.
Penghargaan hai rancanana ratarima Wali Kota Palu, H. Hadianto Rasyid, SE eo Salasa (5/2/2024) RI Kantoro Kementerian Lingkungan Hidup dan Kehutanan (KLKH) ri Jakarta.
Pamarenta Kota Palu ri tempona hi, mpu-mpu mompakambali lenje nungata ala masipato rauli Tina nu Provinsi Sulawesi Tengah.
Nadeamo panggavia ngata Palu ri bidang nopasinjojo libo nu ngata. Eva ri mpae hi nompaka Belo TPA Poi Panda Kelurahan Kawatuna. Dako ri open dumping sampe sanitary landfill.
Naupuhai notambai oto nu sampah ri kelurahan, nompaka kura nompake plastik, notambai gaji padat karya 100 persen. Riumbana geira hai najadi garda ri ngayona riara nompaka sinjoso ngata.
Niposabakamo hai, i Wali Kota Palu nerapi ka todea ala nemo malembo riara mojagai kagali nu ngata.
“Adipura hi najadi cambu ka kita pura, ala marisi riara mojagai libota. Nakaja nanggava Adipura, tapi kana nakajapa mojagai masae riara pale. Tapi Insyaallah kita mamala. Ane morambanga,” niuli i Wali Kota Palu.**(FN)
